មើលការផ្លាស់ប្ដូរផ្សេងៗ​ក្នុង​កុំព្យូទ័រ​របស់អ្នក​ដោយ​ប្រើ​កម្មវិធី​របស់ Microsoft

www.khmer4l.co.cc with www.i1dlmusik.co.cc

តើអ្នកធ្លាប់គិតទេថា កុំព្យូទ័រ​របស់អ្នក​ពីមួយ​ថ្ងៃ​ទៅមួយ​ថ្ងៃ ពីមួយ​ម៉ោង​ទៅមួយ​ម៉ោង​មានអ្វី​ខ្លះ​ប្រែប្រួល​នៅពេល​មានការ​ដំឡើង​កម្មវិធី ​ថ្មីចូល ការលុប​កម្មវិធី​ចេញ ការផ្លាស់ប្តូរប្រព័ន្ធ Windows Registry ក៏​ដូចជា System Files ជាដើម ។  ទាំងនេះកើតឡើងដោយអ្នក​ប្រើ​ប្រាស់​ផ្ទាល់ ហើយ​ក៏​អាចបណ្តាលមកពី​មេរោគ ដែល​ឆ្លងចូលកុំព្យូទ័រ​របស់អ្នក​ដែរ ។ មេរោគ​នឹងអាចកែប្រែប្រព័ន្ធ Windows Registry ឬ​ក៏​លុប System Files របស់ Windows ដែល​វានឹងបណ្តាល​ឲ្យ​កុំព្យូទ័​របស់អ្នក​មានសភាពខុសប្លែកពីធម្មតា ដូចជា​ដំណើរយឺតជាងមុននិងមានបញ្ហារំខានផ្សេងៗ ។
 តើ​លោកអ្នក​ចង់កត់ត្រារាល់បំរែបំរួលទាំងនេះដែរ ឬ​ទេ? ​ក្នុង​ពេលនេះ យើងសូមលើកយក​នូវ​កម្មវិធី​មួយមក​បង្ហាញ​ជូនមិត្ដអ្នកអាន​ទាំងអស់ គឺ​កម្មវិធី Windows System State Analyzer ដែល​កម្មវិធី​នេះបាន​ផ្ដល់​ដោយមិនគិតថ្លៃពី ក្រុមហ៊ុន Microsoft ។ កម្មវិធី​នេះអាចដំណើរការបាននៅ Windows ហើយវាទាមទារត្រឹមតែ .NET Framework 2.0  ប៉ុណ្ណោះ ។

១-ការដំឡើង​កម្មវិធី​

ដំបូងសូមចម្លង file setup នៃ​កម្មវិធី​នេះពីគេហទំព័រ  www.antkh.com ជាមុនសិន បន្ទាប់មកចុចពីរដងលើ Software_Certification_Toolkit_x64.msi (សម្រាប់ប្រព័ន្ធប្រតិបត្តិការណ៍ 64 bits) ឬ Software_Certification_Toolkit_x86.msi (សម្រាប់ប្រព័ន្ធប្រតិបត្តិការណ៍ 32 bits)

នោះវានឹងចេញ​នូវ​ផ្ទាំង​ជាបន្តបន្ទាប់ដូច​ខាងក្រោម ៖

សូមចុចប៊ូតុង Next ដើម្បី​បន្ត រួច​ជ្រើសរើស​យក custom installation ដើម្បី​ធ្វើការ​ដំឡើងតែ​កម្មវិធី Windows System State Analyzer ។

សូមចុចប៊ូតុង Next​

សូម​ជ្រើសរើស​យក I accept the term in the license agreement បន្ទាប់មកចុចប៊ូតុង Next

ចុចប៊ូតុង Next

ចុចប៊ូតុង Install

សូម​ធ្វើការ​រង់ចាំដំណើរការចប់
២-ការ​ប្រើ​ប្រាស់​
សូមបើក​កម្មវិធី​ដែល​បានដំឡើងរួច នោះវានឹងចេញ​ផ្ទាំង​មួយដូច​ខាងក្រោម​៖

កម្មវិធី​នេះចែកចេញជាពីរ​ផ្នែក​គឺ ផ្នែក​ចាប់ផ្តើម​ធ្វើការ​កត់ត្រា និង ផ្នែក​បញ្ចប់​ការកត់ត្រា ។
• ​ ផ្នែក​ចាប់ផ្តើម​ធ្វើការ​កត់ត្រា ៖ នៅ​ផ្នែក​ខាង​ឆ្វេង​នៃរូបភាព សម្រាប់ចាប់ផ្តើមកំណត់ការកត់ត្រា​នៅពេល Windows  មិនទាន់មានសភាពប្រែប្រួល​ដែល​វាបាន​បង្កើត​ជា File មួយមាន​ប្រភេទ​ជា file*.bin
• ​ផ្នែក​បញ្ចប់​ការកត់ត្រា ៖ នៅ​ផ្នែក​ខាង​ស្ដាំ​នៃរូបភាព សម្រាប់​បញ្ចប់​ការកត់ត្រា នោះវានឹង​បង្កើត​ជា  File មួយ​ដែល​មាន​ប្រភេទ file ជា *.bin ដូច​គ្នា ។
 សំគាល់ ៖ កម្មវធីនេះអាចកត់ត្រាបាន ដូចជា Drives, Registry, Services, និង Drivers ដោយវាកត់ត្រារាល់ការ កែប្រែ ការលុប ការបញ្ចូល ដែល​អ្នកកំណត់ ។
សូមចុចលើ Tools-> Option នោះវានឹង​បង្ហាញ​ផ្ទាំង​ដូច​ខាងក្រោម​៖

សូម ​ធ្វើការ​ជ្រើសរើស​នូវ​អ្វី​ដែល​អ្នកចង់កត់ត្រា ហើយចុចប៊ូតុង Add>> ។  កំណត់រួចរាល់សូមចុចប៊ូតុង OK នោះវានឹងរក្សាទុក​នូវ​ព័ត៌មាន​ដែល​បានកំណត់​ទាំងនោះ ។  ​ជ្រើសរើស​យក Create  New បើសិនជាអ្នកចង់​បង្កើត​នូវ​កំណត់ត្រាថ្មី (នៅ​ផ្នែក​ខាង​ឆ្វេង​នៃ​កម្មវិធី​)

ធ្វើការ​កំណត់ទីតាំង File ដែល​នឹងត្រូវកត់ត្រា ហើយចុចប៊ូតុង Start ។
 ​បញ្ជាក់​៖ វា​ធ្វើការ​កត់ត្រា មានរយៈពេលយូរ ឬ ឆាប់​អាស្រ័យ​ទៅលើ ទំហំ ឯកសារ និង ព័ត៌មាន​ដែល​អ្នកបានកំណត់ ពេលកត់ត្រាចប់វានឹង​បង្ហាញ​ផ្ទាំង​មួយដូច​ ខាងក្រោម​៖

ចុចប៊ូតុង OK
អ្នកនឹងទទួលបានឯកសារមួយ ​ដែល​មាន​ប្រភេទ​ជា *.bin នៅទីតាំង​ដែល​បានកំណត់ សូមរក្សារទុកឯកសារនេះ ដើម្បី​ធ្វើការ​ប្រៀបធៀប ។ នៅពេល​ដែល​អ្នកចង់ដឹងមានបំរែបំរួលអ្វី​ខ្លះ​នាកំឡុងពេល​ប្រើ​ប្រាស់ សូមធ្វើដូចចំណុចខាងលើ (ចំពោះ​ផ្នែក​ខាង​ស្ដាំ​នៃ​កម្មវិធី​) នោះអ្នកនឹងទទួលបានឯកសារមួយសម្រាប់ប្រៀបធៀបជាមួយឯកសារមុន ។
ការប្រៀបធៀប ដើម្បី​រកចំណុចប្រែប្រួល
សូម ​ជ្រើសរើស Load existing នៅ​ផ្នែក​ខាង​ឆ្វេង​នៃ​កម្មវិធី ហើយ​ធ្វើការ​ស្វែងរក​ឯកសារ​ដែល​បានកត់ត្រាទីមួយ (ឧទាហរណ៍ ឈ្មោះ Pre install.bin) បន្ទាប់មកទៀត​ជ្រើសរើស Load existing នៅ​ផ្នែក​ខាង​ស្ដាំ​នៃ​កម្មវិធី ហើយ​ធ្វើការ​ស្វែងរក​ឯកសារ​ដែល​បានកត់ត្រាទីពីរ (ឧទាហរណ៍ ឈ្មោះ Post install.bin) ។  ជា​ចុងក្រោយ​សូមចុចប៊ូតុង Compare (ដូចរូប​ខាងក្រោម​) ៖

សូមចុច Yes ព្រោះ​វានឹងរក្សារទុកជាឯកសារមួយ​ដែល​មាន​ប្រភេទ​ជា *.HTML

សូមដាក់​ឈ្មោះ​ឯកសារហើយចុច Save​

វានឹង​បង្ហាញ​អំពីព័ត៌មាន​លម្អិត​តាមរយៈ Browser ដូច​ខាងក្រោម​៖

ពេលអ្នកចង់មើលព័ត៌មានបំរែបំរួលនេះលើកក្រោយអ្នក ​គ្រាន់តែ​ចុច Quick Comparision tab នៃ​កម្មវិធី (ក្រោម Menu នៃម​កម្មវិធី​) ហើយចុចប៊ូតុង Detailed report បន្ទាប់មក​ធ្វើការ​ស្វែងរក​ឯកសារ​ដែល​មាន​ប្រភេទ *.HTML (ឧទាហរណ៍ report.html) រួចចុចប៊ូតុង Save ជាការស្រេច ៕

​ទាញយក​
*** ដកស្រង់ចេញពីទស្សនាវដ្ដីអាន-ANT ​ច្បាប់​ទី៣៧ សម្រាប់​ខែមេសា ឆ្នាំ​២០១២
*** software និងវីដេអូ​សម្រាប់​ការអនុវត្ដន៍ ជា​ច្រើន​ទៀតមាន​ក្នុង​ស៊ីឌីទស្សនាវដ្ដីអាន-ANT

<object classid="clsid:d27cdb6e-ae6d-11cf-96b8-444553540000" width="425" height="350" codebase="http://download.macromedia.com/pub/shockwave/cabs/flash/swflash.cab#version=6,0,40,0">