តើអ្នកមានដឹងទេថារាល់ពេល
ដែលអ្នក ដោតឧបករណ៍ USB
ប្រភេទអ្វីក៏ដោយនៅក្នុងកុំព្យូទ័ររបស់អ្នកនឹងមានការកត់ត្រានូវ
ព័ត៌មានរបស់ឧបករណ៍ USB របស់អ្នកគ្រប់ពេល ទៅក្នុង Registry របស់ Windows
សូម្បីតែពេលដែលអ្នកបានដកឧបករណ៍ USB នោះចេញពីកុំព្យូទ័រក៏ដោយ ។
ដើម្បីដឹងពីព័ត៌មានរបស់ USB Device របស់អ្នកអ្នកមិនចាំបាច់ចូលទៅ Registry
របស់ Windows
ផ្ទាល់ទេគឺលោកអ្នកគ្រាន់តែប្រើប្រាស់នូវកម្មវិធីជំនួយដែលមាន
ឈ្មោះថា USBDeview ដែលមាននៅក្នុងCD របស់ទស្សនាវដ្ដីអានលេខ ៣៧
តែប៉ុណ្ណោះ ។
លក្ខណៈពិសេស
USBDeview
អាចធ្វើការបង្ហាញនូវព័ត៌មានបន្ថែមរបស់ឧបករណ៍ USB ដូចជា ឈ្មោះឧបករណ៍
ថ្ងៃខែដែលយើងប្រើប្រាស់ឧបករណ៍ដំបូង
ថ្ងៃខែចុងក្រោយដែលយើងធ្វើការ Disconnect ជាដើម ។
តាមរយៈកម្មវិធីនេះយើងអាចធ្វើការ Uninstall ឧបករណ៍ USB
ដែលធ្លាប់ប្រើប្រាស់នៅលើកុំព្យូទ័ររបស់យើង ឬ
ធ្វើការផ្ដាច់ទំនាក់ទំនង (Disconnect) ឧករណ៍ USB
ដែលកំពុងតែភ្ជាប់ជាមួយកុំព្យូទ័ររបស់យើងបានដែរ ។
ការប្រើប្រាស់
កម្មវិធីនេះមិនតម្រូវឲ្យលោកអ្នកធ្វើការដំឡើងអ្វីទេគឺលោកអ្នក
គ្រាន់តែចម្លងកម្មវិធីនេះមកហើយចុច Mouse ២ដងទៅលើកម្មវិធីនេះ
(USBDeview.exe) វានឹងធ្វើកាបង្ហាញពីឧបករណ៍ USB ដូចខាងក្រោម៖
• នៅពេលអ្នកចង់ឲ្យកម្មវិធីនេះបង្ហាញនូវព័ត៌មានលម្អិតពីឧបករណ៍ USB ណាមួយអ្នកគ្រាន់តែចុច Mouse ពីដងទៅលើជូដេករបស់វា នោះវានឹងបង្ហាញនូវព័ត៌មានលម្អិតដូចខាងក្រោម ៖
• យើង ក៏អាចធ្វើការUninstall ទៅលើ USB Device បានដែរដោយ Right Click ទៅលើជួដេកនៃ USB ណាមួយដែលអ្នកចង់Uninstall ហើយជ្រើសយកពាក្យថា Uninstall Selected Devices ដូចរូបខាងក្រោម
• យើង ក៏អាចធ្វើការតេស្តនូវល្បឿនរបស់ឧបករណ៍ USB (USB Flash, External HDD…) របស់យើងបានដែរ ថាតើល្បឿនក្នុងការ Read និង Write ទិន្នន័យបានល្បឿនប៉ុន្មាន ដោយអ្នកធ្វើការ Right Click ទៅលើជួដេកនៃព័ត៌មានរបស់ USB Flash ដែលអ្នកចង់ធ្វើតេស្តរូចយកពាក្យ Speed Test ដូចខាងក្រោម
• បន្ទាប់មកវានឹងចេញនូវផ្ទាំងមួយដែលអាចឲ្យយើងធ្វើតេស្តបានដោយចុចទៅលើ Start Test នោះវានឹងបង្ហាញនូវលទ្ធផលដូចខាងក្រោម
ទាញយក
